Tahiri: Ekonomia me trende negative, Qeveri, lëri fjalet vepro!

Shefi i grupit parlamentar të AAK-së, Besnik Tahiri, ka thënë se në vend të konflikteve dhe ndasive mes qytetarëve, qeveria duhet të shtojë unitetin nacional, veprimet urgjente e konkrete për përballimin e krizës
Duke iu referuar raportit të Bankës Botërore ‘Mbrojtja Sociale për Rimëkëmbje”, Tahiri u shpreh se trendet negative në investimeve dhe konsum kërkojnë reagim urgjent nga ana e Qeverisë.
“Ekonomia me trende negative në mungesë të investimeve dhe konsumit, Qeveri, lëri fjalet vepro!…Në vend të konflikteve dhe ndasive mes qytetarëve, qeveria duhet të shtojë unitetin nacional, veprimet urgjente e konkrete për përballimin e krizës. Ne si përherë, i kemi ofruar alternativa dhe mbështetje në çështjet vitale shtetërore.”, ka thënë Tahiri,
Ai tutje e ka cilësuar këtë raport negativ për Kosovën, “kërkon atë që ka kohë që po theksohet nga AAK, nevojën për mbështetje për të zbutur ndikimin e çmimeve në rritje si energjia dhe ushqimet, në fokus tek ata që cenohen më tepër.”, ka përfunduar Tahiri./21Media