Takimi i Papës me udhëheqësin ortodoks rus u anulua

Një takim i planifikuar muajin e ardhshëm midis Papa Françeskut dhe udhëheqësit të kishës ortodokse ruse është pezulluar.

Duke folur për një gazetë argjentinase, Papa tha se diplomatët e Vatikanit kishin këshilluar se një takim i tillë mund të sjellë shumë konfuzion në këtë moment, përcjell rtv21.tv

Udhëheqësi ortodoks rus, Patriarku Kirill ka dhënë mbështetjen e tij ndaj veprimeve të Moskës në Ukrainë, një qëndrim që ka ndarë Kishën Ortodokse jashtë vendit, ndërsa Françesku ka qenë kritik ndaj luftës.

Takimi thuhet se ishte caktuar për 14 qershor në Jerusalem, raporton BBC

Dyshja janë takuar vetëm në një rast të mëparshëm, në Havana në vitin 2016./21Media