Të paktën 25 gra janë dhunuar nga ushtarët rusë

Pas pesë javësh të pushtimit rus, periferia e Kievit “Bucha është një peizazh tmerresh”, raporton The New York Times.
“Dëshmitë tregojnë se rusët vranë në mënyrë të pamatur dhe ndonjëherë në mënyrë sadiste, pjesërisht për hakmarrje”.
Zyrtarët ukrainas thanë se që nga e diela, ata kishin zbuluar trupat e më shumë se 360 ​​civilëve në Bucha dhe rrethinat e saj, duke përfshirë më shumë se 250 të vrarë nga plumbat ose copëzat dhe tani po hetohen si krime lufte.
Së bashku me ekzekutimet dhe vrasjet, janë rastet e tmerrshme të torturave dhe dhunës seksuale.
Avokatja e Popullit e Ukrainës për të drejtat e njeriut, Lyudmyla Denisova, ka thënë ka regjistruar shumë raste të tmerrshme të dhunës seksuale nga trupat ruse në Bucha dhe vende të tjera, duke spekuluar se përdhunimet ishin pjesërisht hakmarrje për rezistencën e ashpër të Ukrainës, por edhe një armë lufte ruse.
Në një rast, “rreth 25 vajza dhe gra të moshës 14 deri në 24 vjeç u përdhunuan sistematikisht gjatë okupimit në bodrumin e një shtëpie në Bucha. Nëntë prej tyre janë shtatzënë. Ushtarët rusë u thanë atyre se do t’i përdhunonin deri në atë pikë sa nuk do të dëshironin kontakt seksual me asnjë mashkull, për t’i penguar ata të kishin fëmijë ukrainas”, ka thënë tutje Denisova./21Media