Të paktën 45 të vdekur si pasojë e stuhisë në Filipine

Një stuhi e fortë tropikale ka lënë të vdekur të paktën 45 njerëz në Filipine, duke shkaktuar përmbytje dhe rrëshqitje të dheut në provincat jugore, thonë zyrtarët.
Stuhia Nalgae shkaktoi kërdinë më të madhe në provincën Maguindanao, në ishullin Mindanao.
Nalgae po përfshin veriun, ku kryeqyteti Manila pret shi të rrëmbyeshëm.
Ekipet e shpëtimit nxorrën shumë trupa nga balta e dendur pas rrëshqitjeve të dheut. Erërat fryjnë deri në 95 km/h (59 mph).
Roja Bregdetare ka pezulluar shërbimet e trageteve në pjesën më të madhe të arkipelagut, ku shumë njerëz udhëtojnë me varkë çdo ditë. Rojet bregdetare po evakuojnë shumë njerëz në strehimore.
Reshjet e dendura të shiut nisën të enjten dhe stuhia pritet të arrijë kulmin këtë fundjavë. Stuhia ka detyruar gjithashtu disa shkolla të mbyllen dhe autobusët të ndalojnë funksionimin./21Media