Të shtëna me armë në lokalin e aktivistit të LSI-së në Kukës

Nuk raportohet për të lënduar

Një person i paidentifikuar ka shtënë me armë në lokalin e një aktivisti të LSI-së në qytetin e Kukësit. Ngjarja ka ndodhur në orët e para të pasdites në fshatin Novosej të Kukësit.

Incidenti ka ndodhur në lokalin në pronësi të Dashamir Toçillës, në Novosej të Kukësit, ndërsa nuk raportohet për të lënduar.

Policia ka shkuar menjëherë në vendin e ngjarjes dhe po heton për zbardhjen e plotë të ngjarjes.