Tentoi të kalonte lumin, humb jetën 66-vjeçari në Mat
Një 66-vjeçar nga fshati Fshat i Klosit ka humbur jetën mbrëmjen e kaluar teksa ka tentuar të kalojë lumin Mat në këmbë.
Rrjedha e fortë e ujit e ka marrë me vete 66-vjeçarin i cili është gjetur i pajetë pas disa orësh kërkime.
Grupet e zjarrfikëses dhe policisë kërkuan gjithë shtratin e lumit, ndërsa trupi i pajetë u pikas disa kilometra poshtë qytetit të Klosit në vendin e quajtur Kthesa e Cerujës.
Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarjeje tragjike.
Lexim me zë
Dëshiron ta dëgjosh këtë lajm me zë?