Thyhet rekordi i ngjyrosjes së flokëve, 192 burra bëhen biondë

Puerto Riko ka thyer rekordin “Guinness” për më së shumti flokë të ngjyrosura. 192 burra ngjyrosën flokët për të mbështetur ekipin e tyre në turneun e bejsboll “World Baseball Classic”, në të cilën dy herë kishin dalë në vend të dytë.

Lojtarët e ekipit të parë patën ngjyrosur flokët më 2017 para garës në formë shakaje, dhe papritmas shpërtheu në Puerto Riko duke lënë barnatoret dhe qendrat e bukurisë pa produkte të ngjyrave.

Turneu zakonisht mbahet çdo katër vjet, por pandemia e shtyu për dy dhe gjashtë vjet nuk pati “punë nga mbështetësit e Puerto Rikos”.

Lojtarët përsëritën traditën sivjet dhe njerëzit në ishullin në Karaibe rikthyen trendin. Ngjyra e bardhë tashmë ka mbuluar kokat e puertorikasve.

“Sa më shumë bjondë, aq më unikë jemi”, ka thënë fotografi Miguel Rodriguez Camilo teksa po ndryshonte ngjyrën e flokëve.

Ai ishte një nga 200 burrat që ndryshuan ngjyrën e flokëve javën e shkuar në një “ngjyrosje masive”. Megjithatë në rekordin e “Guinnessit” disa u diskualifikuan për arsye të ndryshme. Organizatorëve të ngjarjes iu deshën tetë orë për ta thyer rekordin e vendosur më 2013 në Buenos Aires të Argjentinës ku 160 persona ngjyrosën flokët.