Togeri i FSK-së fitoi çmimin “Studenti më i mirë” në Kursin Trajnues për Instruktor ITC

Togeri, Dritëro Bajrami ka fituar çmimin “Studenti më i mirë” në Kursin Trajnues për Instruktor ITC në Republikën Çeke.

Për këtë ka shkruar Ministri i Mbrojtjes, Ejup Maqedonci, i cili ka thënë se në mesin e 20 studentëve, oficerë dhe nënoficerë nga disa shtete pjesëmarrëse të botës, toger Bajrami ka treguar rezultate të larta si në aspektin akademik ashtu edhe në atë praktik, transmeton rtv21.tv.

“Çmimi i fituar nga toger Bajrami reflekton përkushtimin dhe profesionalizmin e lartë të pjesëtarëve të FSK-së”, ka shkruar Maqedonci në Facebook./21Media