“Topi është në fushën e kreditorëve”

Greqia pret zhbllokimin për lehtësimin e borxhit

Qeveria greke e Aleksis Cipras pret tashmë zhbllokimin e një kësti tjetër të kredisë dhe një përpjekje të kreditorëve të Greqisë për lehtësimin e borxhit pas votimit nga Parlamenti të masave të reja shtrënguese.

“Topi është në fushën e kreditorëve, është radha e tyre të mbajnë angazhimet e tyre ashtu si bëmë ne”, deklaroi kryeministri, Alexis Tsipras, në përfundim të miratimit në Parlamnt të masave shtrënguese.

“Ne presim dhe meritojmë një vendim të hënë gjatë Eurogrupit (takim i ministrave të Financave të zonës euro) për zgjidhjen e borxhit publik që do të korrespondonte me sakrificat e popullit grek”, nënvizoi Cipras para medias.

Qeveria e Cipras bën përgjegjëse Gjermaninë për vonesat në negociatat për lehtësimin e borxhit grek, një çështje që Berlini nuk dëshiron ta thellojë disa muaj nga zgjedhjet legjislative gjermane.

Kërkuar nga kreditorët, BE dhe FMN, kjo paketë e re masash u votua vetëm nga koalicioni qeveritar, 153 deputetë të partisë së majtë radikale të Syrizas së Aleksis Cipras dhe të partisë së vogël sovraniste Anel, kurse 128 votuan kundër.