Tre njerëz të vrarë pas sulmeve në qendër të Izraelit
Tre persona janë vrarë dhe disa të tjerë janë plagosur në atë që policia thotë se është një sulm i dyshuar terrorist në qytetin qendror izraelit Elad.
Dy sulmues – njëri i armatosur me armë zjarri, tjetri me sëpatë – shënjestruan kalimtarët në një park në qytet, raportojnë mediat izraelite.
Të dyshuarit janë ende në arrati, transmeton rtv21.tv.
Sulmi erdhi pasi Izraeli shënoi Ditën e Pavarësisë, një festë publike që shënon themelimin e vendit.
Ky sulm vjen edhe pas sulmeve vdekjeprurëse që janë kryer nga palestinezët dhe arabët izraelitë në ditët e fundit, duke shënuar periudhën me sulmet me të përgjakshme në Izrael prej vitit 2006.
Të paktën 15 persona janë vrarë në Izrael dhe Bregun Perëndimor në javët e fundit.
Izraeli është përgjigjur duke bastisur qytezat palestineze, veprime që kanë nxitur përleshje dhe kanë rezultuar me viktima.
Ka pasur gjithashtu përleshje të dhunshme në kompleksin e Xhamisë al-Aksa në Jerusalem, një vend ndezjeje që është thellësisht i rëndësishëm për myslimanët dhe hebrenjtë, të cilët e njohin atë si Mali i Tempullit.
Autoritetet lokale në Elad kanë urdhëruar banorët të qëndrojnë brenda.
Shumica e popullsisë së qytetit janë anëtarë të komunitetit hebre ultra-ortodoks të Izraelit.
Izraeli mban ceremoni përkujtimore çdo vit përpara Ditës së Pavarësisë, duke shënuar humbjet e tij gjatë luftës.
Shteti hebre u themelua më 14 maj 1948 dhe përvjetorët llogariten në përputhje me kalendarin hebraik.
Më 15 maj, palestinezët shënojnë krijimin e Izraelit me një ditë zie të quajtur al-Naqba, arabisht për “katastrofë”./21Media
Dëshiron ta dëgjosh këtë lajm me zë?