Tre të arrestuar për vrasjet në Gllogjan

 

Janë arrestuar tre persona të dyshuar që kanë të bëjnë me vrasjen e trefishtë në Gllogjan të Deçanit.
Në konferencë për media, Agim Kurmehaj, kryeprokuror në Prokurorinë Themelore në Pejë, ka konfirmuar se pas një hetimi intensiv mbi dy javë kanë arrestuar tre persona lidhur me vrasjen e trefishtë, më 26 nëntor.
Ai ka bërë të ditur se prokurorja e çështjes ka lëshuar vendimin për ndalim për 48 orë për të arrestuarit, ndërsa për shkak të ndjeshmërisë tha se nuk mund të jepet asnjë detaj tjetër.
Më 26 nëntor, si pasojë e të shtënave në drejtim të një autobusi në Gllogjan mbetën të vdekur shoferi dhe dy nxënës./21Media