“Trump duhet ta vizitojë Londrën”

May tha sot planet Trump për të vizituar Britaninë e Madhe, duhet të vazhdojnë pavarësisht kritikave ndaj tij

Kryeministrja britanike, Theresa May tha sot se planet e Presidentit amerikan Donald Trump për të vizituar Britaninë e Madhe, duhet të vazhdojnë pavarësisht një rritje të kritikave ndaj tij nga kryebashkiaku i Londrës.

“Marrëdhënia me SHBA-në është  mbrojtja më e thellë dhe më e sigurt”, tha May për “The Sun. Por, mendoj se Donald Trump u gabua me atë që tha për Sadiq Khan, në lidhje me sulmin në London Bridge”, theksoi kryeministrja britanike.

Khan kishte deklaruar në kanalin televiziv “Channel 4” se Britania e Madhe nuk duhet të shtrojë tapetin e kuq për Trumpin, ndërsa lideri liberaldemokrat, Tim Farron tha se May duhet ta ndalojë këtë vizitë.

Trump kishte akuzuar Khanin se kishte dhënë një përgjigje patetike ndaj sulmit terrorist të së shtunës, pasi kryebashkiaku bëri thirrje për të mos u alarmuar.