Trump e nominon Waltzin për ambasador në Kombet e Bashkuara
Pas raportimeve për largimin e Mike Waltzit nga pozita e këshilltarit të lartë për Sigurinë Kombëtare, presidenti amerikan, Donald Trump, ka njoftuar përmes një postimi në rrjete sociale se ai do ta nominojë Waltzin për ambasador të SHBA-së në Kombet e Bashkuara.
“Kam kënaqësinë të njoftoj se do të emëroj Mike Waltzin për të qenë ambasadori i ardhshëm i Shteteve të Bashkuara në Kombet e Bashkuara. Që nga koha e tij në uniformë në fushën e betejës, në Kongres dhe, si këshilltari im për Sigurinë Kombëtare, Mike Waltz ka punuar shumë për të vënë në plan të parë interesat e kombit tonë”, ka shkruar Trump.
Ndërkaq, sipas Trumpit, pozita e këshilltarit të lartë të Sigurisë Kombëtare do t’i dorëzohet përkohësisht, Sekretarit amerikan të Shtetit, Marco Rubio.
“Në ndërkohë, Sekretari i Shtetit Marco Rubio do të shërbejë si këshilltar i Sigurisë Kombëtare, ndërsa do të vazhdojë udhëheqjen e tij të fortë në Departamentin e Shtetit. Së bashku, ne do të vazhdojmë të luftojmë pa u lodhur për ta bërë Amerikën dhe botën përsëri të sigurt. Faleminderit për vëmendjen tuaj për këtë çështje!”, ka shtuar presidenti amerikan.
Dëshiron ta dëgjosh këtë lajm me zë?