Nis gjykimi ndaj Donald Trumpit nën akuzat për mashtrim financiar
(Lajm i përditësuar)
Ish-presidenti i Shteteve të Bashkuara, Donald Trump, doli para një gjykate në Nju Jork të hënën, për t’u përballur me akuzat për mashtrim financiar.
Trump e quajti të “rrejshëm” rastin gjyqësor ndaj tij, duke thënë se synimi i këtij rasti është parandalimi i kthimit të tij në Shtëpinë e Bardhë.
Gjyqi për mashtrim, njëri nga disa betejat ligjore kundër 77-vjeçarit, mund të ndikojë që ish-presidentit t’i ndalohet bërja biznes në shtetin e Nju Jorkut.
“Kjo ka të bëjë me ndërhyrje në zgjedhje, kaq e thjeshtë është”, tha Trump teksa mbërriti në gjykatë për seancën hapëse në një gjyq që mund të zgjasë tre muaj.
“Ajo çfarë po ndodh këtu është përpjekje për të më dëmtuar mua në zgjedhje”, shtoi ai.
Gjykatësi i Nju Jorkut, Arthur Engoron, i ka shpallur tashmë Trumpin dhe djemtë e tij, Eric dhe Don Jr, fajtorë për mashtrim duke i fryrë vlerat e patundshmërisë dhe aseteve financiare të Organizatës Trump për vite të tëra.
Trump i quan mashtrim akuzat ndaj tij
Ish-presidenti i SHBA-së, Donald Trump, ka arritur në gjykatë të New Yorkut ku po përballet me padi civile dhe po akuzohte për kryerje të mashtrimit nëpërmjet kompanisë “Trump Organization”.
Prokurorët në New York pretendojnë se Trump ka mashtruar bankat, kompanitë e sigurimeve dhe tjerët, duke mbivlerësuar në masë të madhe asetet e tij dhe duke ezgjëruar vlerën e tij neto.
“Është një mashtrim. Vetëm që ta dini, pasqyrat e mia financiare janë fenomenale”, ka thënë Trump para se të hyjë në gjykatë,