Trump refuzoi t’u përgjigjet pyetjeve në hetimin e New York-ut
Ish-presidenti amerikan, Donald Trump, refuzoi t’u përgjigjet pyetjeve si pjesë e një hetimi të shtetit të New York-ut mbi praktikat e biznesit të familjes së tij.
Zyrtarët shtetërorë akuzojnë Organizatën Trump se ka mashtruar autoritetet në lidhje me vlerën e aseteve të saj në mënyrë që të marrë kredi të favorshme dhe lehtësime tatimore.
Trump mohon keqbërjen dhe e ka quajtur hetimin civil një gjueti shtrigash, përcjell rtv21.tv
Një orë pasi ai u fotografua duke mbërritur në zyrën e tij në Manhatan, ku u mor në pyetje nën betim, Trump lëshoi një deklaratë në të cilën ai kritikoi Prokurorën e Përgjithshëm të New York-ut, Letitia James dhe hetimin më të gjerë.
“Vitet e punës dhe dhjetëra miliona dollarë janë shpenzuar në këtë sagë të gjatë që ziejë, dhe pa dobi”, tha ai.
“Unë nuk pranova t’u përgjigjem pyetjeve në bazë të të drejtave dhe privilegjeve që i jepen çdo qytetari sipas Kushtetutës së Shteteve të Bashkuara”, shtoi Trump.
Zyra e Prokurores konfirmoi se intervista u zhvillua të mërkurën dhe se “Trump thirri të drejtën e tij të Amendamentit të Pestë kundër vetëinkriminimit.
“Prokurorja do të ndjekë faktet dhe ligjin kudo që ata të çojnë. Hetimi ynë vazhdon”, thuhet në deklaratë./21Media