Truss: NATO t’i mbajë dyert hapur për anëtarët e rinj
Sekretarja e Jashtme e Mbretërisë së Bashkuar, Liz Truss ka thënë se NATO duhet të mbajë politikën e saj të “dyerve të hapura” drejt pranimit të anëtarëve të rinj.
Ministrat nga aleanca e mbrojtjes po takohen në Berlin, me Finlandën dhe Suedinë që pritet të aplikojnë për t’u bashkuar.
“Politika e dyerve të hapura të NATO-s është thelbësore dhe nëse Finlanda dhe Suedia vendosin të aplikojnë për t’u anëtarësuar, është e qartë se ato do të forconin aleancën dhe sigurinë evropiane në tërësi. Putini duhet të përballet me një disfatë të qëndrueshme në Ukrainë, Rusia duhet të frenohet dhe një agresion i tillë nuk duhet të ndodhë më kurrë. Siguria e Ukrainës duhet të vijë nga aftësia e saj për të mbrojtur veten. Aleatët duhet të mbështesin lëvizjen e Ukrainës drejt pajisjeve të standardeve të NATO-s, duke ofruar menjëherë artileri, trajnim dhe ekspertizën e nevojshme”, ka thënë Truss./21Media
Dëshiron ta dëgjosh këtë lajm me zë?