U21/Liria i afrohet pozitës së dytë, mposht Feronikelin ‘74
Ka përfunduar ndeshja e vetme e ditës së sotme e Superligës së Kosovës në futboll, në kuadër të grupmoshave U21, ku fitorja i takoi skuadrës së Lirisë.
Pas plot 90’ minutave lojë të zhvilluara, Liria U21 e ka mposhtur si mysafire Feronikelin ’74 me rezultat minimal 1:0.
Fitoren Lirisë U21 ia siguroi goli nga Erand Bacaliu.
Me pikët e reja, Liria U21 ngjitet në kuotën e 25 pikëve në vendin e tretë, një pikë më pak se Ballkani U21 që renditet në vendin e dytë.
Në anën tjetër, Feronikeli ’74 U21 renditet në vendin e nëntë me vetëm tetë pikë të arkëtuara.
Rezultati final, 1:0 në favor të Lirisë U21.