Ukraina e Moldavia në terr si pasojë e sulmeve ruse

Ukraina dhe Moldavia fqinje janë përballur me ndërprerje të gjerë të energjisë elektrike pas valës së fundit të sulmeve ruse.

Të paktën gjashtë civilë në Ukrainë u vranë në breshëri dhe zyrtarët u detyruan të mbyllnin tre reaktorë bërthamorë për shkak të ndërprerjeve të energjisë.

Moldavia nuk u godit drejtpërdrejt, por gjysma e vendit humbi energjinë.

Me fillimin e dimrit, Moska ka rritur sulmet në infrastrukturën energjetike të Ukrainës. Gjysma e rrjetit energjetik të vendit ka nevojë për riparim.

Të mërkurën, një alarm për sulm ajror u lëshua në të gjithë Ukrainën, i ndjekur nga raporte për shpërthime në një numër vendesh – duke përfshirë në kryeqytetin Kiev dhe në qytetin perëndimor Lviv.

Në rajonin jugor të Zaporizhzhia, një foshnjë e porsalindur u vra kur një raketë goditi një njësi materniteti , thanë shërbimet e urgjencës.

Gjenerali Valeriy Zaluzhniy komandanti i forcave të armatosura të Ukrainës tha se 67 raketa lundrimi u lëshuan nga Moska, me mbrojtjen ajrore që kapte me sukses 51 predha.

Por sulmi ka shkaktuar dëme të konsiderueshme në infrastrukturë në të gjithë vendin.

Në Kiev, disa pjesë të qytetit mbetën pa ujë dhe plotësisht pa energji. Në mbrëmje, kryebashkiaku Vitali Klitschko tha se të paktën 80% e banorëve mbetën pa energji dhe ujë.

Shumica e termocentraleve dhe hidrocentraleve u detyruan të mbyllen gjithashtu, tha ministria e energjisë e Ukrainës.

Moska ka thënë se sulmi ndaj rrjetit energjetik të Ukrainës mund të dobësojë aftësinë e saj për të luftuar dhe për të çuar liderët e saj në tryezën e negociatave.

Por presidenti francez Emmanuel Macron shkroi në Twitter se sulme të tilla kundër “infrastrukturës civile” përbënin një krim lufte, pas komenteve të ngjashme nga SHBA./21Media

Artikuj të ngjashëm

Back to top button