United e gjunjëzon Cityn për ta fituar trofeun e FA Cup

Ka përfunduar derbi i qytetit të Manchesterit mes Cityt dhe United, ku ky i fundit e ka fituar trofeun e FA Cup për të 13-ën herë në histori të kësaj gare.

Pas më shumë se 90 minutave lojë të zhvilluara në stadiumin “Wembley”, Manchester United e ka mposhtur Manchester Cityn me rezultat të ngushtë 2:1, raporton KosovaPress.

Golat për “Djajtë e Kuq” i shënuan Alejandro Garnacho (minuta e 30’) dhe Kobbie Mainoo (minuta e 39’), kurse golin e nderit te City e shënoi Jeremy Doku (minuta e 87’).

Fitorja e sotme ia siguroi United trofeun e parë të FA Cup që nga sezoni 2015/16.

Rezultati final, 2:1 në favor të United.