United mposhtet nga Brightoni

Ka përfunduar ndeshja mes gjigantit anglez, Manchester United dhe skuadrës së Brightonit, ku kjo e fundit ka arkëtuar pikët e para të edicionit të ri të Premier Ligës.
Pas plot 90’ minutave lojë të zhvilluara në stadiumin “Old Trafford”, United ka pësuar humbje si vendas me rezultat 2:1 nga Brightoni.
Fillimisht, rezultatin e zhbllokoi Pascal Gross, i cili shënon në minutën e 30’ për të kaluar “Pulëbardhat” në epërsi prej 1:0.
Saktësisht nëntë minuta më vonë ishte po i njëjti lojtar që e gjeti përsëri golin e United, ku Gross e thellon epërsinë e Brightonit në 2:0 në minutën e 39’ të ndeshjes.
Pjesën e dytë e nisi më mirë skuadra e United, ku edhe e gjeti golin e parë të ndeshjes përmes Mac Allister të Brightonit, i cili shënon autogol në portën e tij në minutën e 68’ të ndeshjes.
Autogoli i Mac Allister nuk ishte i mjaftueshëm që United ta evitojë humbjen, ku “Djajtë e Kuq” lëshojnë pikë qysh në ditën e parë të tyre në sezonin e ri në Premier Ligë.
Debutuesit te United, trajneri Erik Ten Hag, mbrojtësi Lisandro Martinez dhe mesfushori Christian Eriksen e nisin me humbje aventurën e tyre në “Old Trafford”.