Vazhdojnë kërkimet për gjetjen e 78-vjeçarit nga Prishtina

Shoqata e Kosovës për Kërkim dhe Shpëtim, ka njoftuar se kërkimet për gjetjen e Xhafer Raqit, po vazhdojnë edhe në këto momente.

SHKKSH, ka theksuar se në bashkëpunim me Policinë dhe autoritetet e tjera, ka riangazhuar departamentin e dronistëve, për të rritur mundësitë për lokalizimin dhe gjetjen e Raqit.

Kërkimet janë duke u zhvilluar në lagjen Taukbashqe të Prishtinës.

Familja ka bërë të ditur se 78-vjeçari vuan nga demenca, gjë që e bën edhe më urgjente gjetjen e tij.

Familjarët kanë bërë thirrje që kushdo që ka informacion për vendndodhjen e tij të lajmërojnë në numrin +383 44 737 900.