Vdiq komediani i njohur Norm Macdonald

1 min read

Komediani i njohur kanadez, Norm Macdonald, ka vdekur në moshën 61 vjeçare, nëntë vjet pasi u diagnostifikua me kancer.

Macdonald nisi karrierën në vendlindje. Ka punuar për programin Roseanne, pak kohë para se t’i bashkohej Saturday Night Live.

Lajmin për vdekjen e tij e bëri të ditur familja e të ndjerit.

“Ishte shumë krenar për komedinë e tij. Asnjëherë nuk deshi që sëmundja t’i afektoj në mënyrën se si audienca apo kushdo që e ka dashur e shohin. Norm ishte komedian i pastër”, tha Lori Jo Hoekstra.

Pasi la “Saturday Night Live”, nisi seritë e tij komedi “Norm”, nga viti 1999 – 2001.

Gjithashtu, e kishte në moderim edhe një program në Netflix, i cili i emërtua Norm Macdonald Has a Shoë, në vitin 2018./21Media