Vdiq në moshën 99 vjeç nxënësja e shkollës fillore

Një grua 99-vjeçare, që besohet të jetë nxënësja më e vjetër në botë e shkollës fillore, ka vdekur në mënyrë paqësore në shtëpinë e saj në Kenia, ka thënë nipi i saj për BBC.

Priscilla Sitienei filloi të kishte komplikime shëndetësore pasi ndoqi mësimin të mërkurën.

Ajo dhe shokët e saj të klasës po përgatiteshin për provimet përfundimtare që do të fillonin javën e ardhshme.

Historia e zonjës Sitienei frymëzoi një film dhe lëvdata nga agjencia e kulturës dhe arsimit e OKB-së, Unesco.

Ajo u rrit në një Kenia të pushtuar nga britanikët dhe jetoi luftën e vendit të saj për pavarësi.

Ajo i tha Unesco-s vitin e kaluar se donte të motivonte nënat e reja që të ktheheshin në shkollë.

“Doja të tregoja një shembull jo vetëm atyre por vajzave të tjera në mbarë botën që nuk janë në shkollë, pa arsim, nuk do të ketë dallim mes jush dhe pulës”, tha ajo.

Ajo iu bashkua Shkollës Përgatitore të Leaders Vision në 2010, por gjithashtu i shërbeu fshatit të saj Ndalat në Luginën e Riftit si mami për më shumë se 65 vjet.

Madje, ajo kishte ndihmuar të lindte disa nga shokët e saj të klasës, të cilët atëherë ishin të moshës nga 10 deri në 14 vjeç .

E njohur me emrin perkëdhelës si “Gogo”, që do të thotë gjyshe në gjuhën lokale Kalenjin, ajo i tha BBC-së në vitin 2015 se më në fund po mësonte të lexonte dhe të shkruante – një mundësi që nuk e kishte kurrë si fëmijë.

Ajo shpesh ballafaqohej me fëmijë që nuk ishin në shkollë dhe i pyeste pse.

“Më thonë se janë shumë të moshuar”, tha ajo. “Unë u them atyre: “Epo unë jam në shkollë dhe ju gjithashtu.”
“Unë shoh fëmijë që janë të humbur, fëmijë pa baballarë, thjesht duke u rrotulluar, të pashpresë. Unë dua t’i frymëzoj ata të shkojnë në shkollë,” shtoi ajo.

Në fillim shkolla e refuzoi atë, por shpejt e kuptoi se sa e përkushtuar ishte ajo për të mësuar.

Historia e saj u tregua në një film francez të titulluar Gogo, i cili i hapi asaj një mundësi për të vizituar Francën dhe për të takuar zonjën e parë Brigitte Macron.

Bashkë-skenari i filmit Patrick Pessis e kujtoi në Twitter: “Mesazhi i saj për edukimin e vajzave vazhdon të jetojë”.

Rekordin aktual për nxënësin më të vjetër të shkollës fillore në botë në Librin e Rekordeve Guinness e mban një tjetër kenian, i ndjeri Kimani Maruge .

Ai shkoi në shkollë në moshën 84-vjeçare në vitin 2004 dhe vdiq pesë vjet më vonë./21Media

Artikuj të ngjashëm

Back to top button
close button