Vdiq një grua në një aksident me motoçikletë, lëndohet ngasësi

Një grua ka vdekur  dhe një burrë është lënduar si pasojë e një aksidenti  me motoçikletë i cili ka ndodhur sot rreth orës 06: 57 në magjistralen Suharekë – Shtime, tek vendi i quajtur Qafa e Duhlë.

“Sipas informacioneve fillestare një çift shtetas Maqedonas (A.S. 1979 – mashkull dhe D.M. 1985 – femër), deri sa ishin duke udhëtuar me një motoçikletë nga qyteti i Shtimës në drejtim të qytetit të Suharekës, tek vendi i quajtur Qafa e Duhles një qenë endacak u del në rrugë, me ç’rast drejtuesi i motorit ka humb kontrollin e motorit dhe janë përplasur. Si pasoj e përplasjes së motorit, pasagjerja D.M. 1985 (femër) ka mbetur e vdekur në vendin e ngjarjes deri sa drejtuesi i motorit A.S. 1979 ka mbetur i lënduar. “, thuhet në njoftim.

Po ashtu bëhet e ditur se Policia e Kosovës së bashku me Emergjencën me të pranuar informacionin ka dal në vendin e ngjarjes, ku mjeku ka konfirmuar vdekjen e viktimës deri sa i është dhënë ndihma mjekësore të lënduarit.

“Të gjitha veprimet policore janë duke u ndërmarr konform procedurave atë parapara me ligj.

Prokurori i shtetit është informuar lidhur me rastin. Me vendim të Prokurorit, trupi i pajetë i viktimës dërgohet në Institutin e Mjekësisë Ligjore për autopsi.

Hetimet lidhur me rastin janë duke vazhduar.

Magjistralja Suharekë – Shtime është e qarkullueshme për lëvizjen e qytetarëve.”, përfundon njoftimi./21Media