​Vetura përplas këmbësoren në Prizren

Një grua është goditur nga vetura në rrugën “Ekrem Rexha” në Prizren.

Rasti është konfirmuar nga zëdhënësi i policisë për rajonin e Prizrenit, Vesel Gashi i cili thënë se viktima ka marrë lëndime të rënda trupore dhe është dërguar në QKUK.

“Në orën 09.30 ka ndodhur një aksident trafiku në rrugën ‘Ekrem Rexha’, në Prizren. Aksidenti ka ndodhur pasi që këmbësorja kishte qenë duke e kaluar rrugën, jashtë vendkalimit për këmbësorë dhe se është goditur nga një automjet. Ajo ka marrë lëndime të rënda trupore dhe se fillimisht është dërguar në Spitalin Rajonal të Prizrenit, por duke marrë parasysh lëndimet e marra është dërguar në QKUK”, ka thënë ai.