Viola von Cramon: BE të heqë vizat për Kosovën

 

Raportuesja për Kosovën në Parlamentin Evropian Viola von Cramon ka bërë të ditur se Komisioni i PE-së ka pranuar raportin e saj për Kosovën.

Ajo në “Twitter” ka shkruar se Kosova nga Parlamenti Evropian shihet si një vend me perspektivë të qartë evropiane, por ka ende një rrugë të gjatë përpara drejt BE-së, sidomos në përmirësimin e situatës në fushën e sundimit të ligjit dhe luftën kundër korrupsionit.

“Kosova ka nevojë të zbatojë detyrimet e saj në ujërat energjetike për të luftuar”, shkruan raportuesja për Kosovën.

Ajo ka përmendur edhe vazhdimin e dialogut me Serbinë, duke thënë se ky proces është në interes të të dyja palëve.

“Pa dialog, Kosova ka shumë për të humbur. Parlamenti Evropian ka të njëjtin tekst në raportin për Serbinë nga VladoBilcik. BE, gjithashtu, duhet të bëjë detyrat e shtëpisë dhe Këshilli duhet të jep liberalizimin e vizave për Kosovën”, ka shkruar Viola von Cramon, sipas së cilës raporti përfundimtar për Kosovën do të miratohet në seancën plenare të 24 marsit.

3/4 We want to see Belgrade-Prishtina #dialogue to continue this is the interest of both sides. W.o the dialogue Kosovo has a lot to lose. EP has the same text in the #Serbia report by @VladoBilcik. #EU also has to do its homework &Council needs to grant #VisaLib to #Kosovo ASAP

— Viola von Cramon (@ViolavonCramon) March 11, 2021

Ndryshe, në vitin 2018, Komisioni Evropian kishte konfirmuar se Kosova i ka përmbushur të gjitha kriteret dhe kishte rekomanduar heqjen e vizave. Megjithatë nevojitet miratimi i secilit vend anëtar të BE-së që vendi i fundit i izoluar në Ballkanin Perëndimor të gëzojë lëvizjen e lirë në zonën Shengen./21Media