Vjen reagimi nga KB Trepça: Jemi të pastër si kristalet tona

Sigal Prishtina përmes një komunikate zyrtare njoftoi më herët për një skandal në basketbollin kosovar, ku një person ka dhënë ryshfet drejt referëve grek, Zacharis dhe Vardaris, që këta dy të fundit të favorizojnë KB Trepçën në ndeshjen e fundit të gjysmëfinales së “PlayOff-it” mes dy skuadrave.

Tani, KB Trepça ka mohuar kategorikisht se ka dorë në këtë skandal, duke thënë se Trepça është e pastër sikurse kristalet që i ka, raporton KosovaPress.

Po ashtu, KB Trepça tha se nuk merret me gjëra që nuk i takojnë sportit dhe me “lojëra” jashtë parketit.

Më poshtë e gjeni komunikatën e plotë të Trepçës.