Vjosa Osmani uron Yllka Gashin për suksesin në Spanjë: Jemi krenarë me ty
Aktorja Yllka Gashi fitoi çmimin “Aktorja më e mirë”, në festivalin “Seminci” në Spanjë, për portretizimin e Fahrije Hotit në filmin vendor “Zgjoi”.
Presidentja e Kosovës, Vjosa Osmani, e ka uruar aktoren Yllka Gashi për këtë sukses që ka arritur.
Osmani e ka quajtur aktoren superstar ndërkombëtar.
“Kjo grua e jashtëzakonshme është shndërruar nga një aktore në ekranet tona televizive të Kosovës në një superstar ndërkombëtar. Yllka, jemi shumë krenarë me ty! Performanca juaj në #Hive solli në jetë luftën e grave të Krushës”, ka shkruar Osmani në Twitter.
This incredible woman has gone from being an actress on our Kosovo TV screens to an international superstar.
Yllka, we are so proud of you! Your performance in #Hive brought to life the struggle of the women of Krusha – truly deserved! #Oscars2022 https://t.co/ohlCDk6wMx
— Vjosa Osmani (@VjosaOsmaniPRKS) October 30, 2021
Filmi “Zgjoi” me regji nga Blerta Basholli, është i frymëzuar nga historia e vërtetë e Fahrijes nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për t’a siguruar mbijetësën e familjes, në një ambient tradicionalisht patriarkal ku ambicia për t’u zhvilluar nuk shihet me sy të mirë./21Media