Vritet një grua në oborrin e Klinikës së Gjinekologjisë
(Lajm i përditësuar-Video)
Policia e konfirmon, një grua rreth 35 vjeç dyshohet se u vra në oborrin e QKUK-së
Policia e Kosovës ka konfirmuar vrasjen e një gruaje në oborrin e Klinikës së Gjinekologjisë në QKUK.
Zëdhënësja e Policisë së Kosovës për rajonin e Prishtinës, Flora Ahmeti në konfirmimin për RTV21 ka njoftuar se viktima është rreth moshës 35 vjeçare.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje”, ka njoftuar Ahmeti.
Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes.
Një vrasje e rëndë dyshohet se ka ndodhur sot në oborrin e Qendrës Klinike Universitare të Kosovës në Prishtinë.
Një person dyshohet se ka vrarë ish-bashkëshorten e tij shtatzënë./21Media
