Vuçiq: Dorëheqja ime vetëm për të blerë kohë për Serbinë

Presidenti i Serbisë, Aleksandar Vuçiq, sonte në një intervistë ka thënë se nuk do të ndodhë dorëheqja, por mund të jetë një opsion taktik.
Ai tha se këtë do ta bëjë “jo për vete”, por për të blerë kohë për Serbinë.
Sipas tij, dorëheqja e tij do ta zgjaste të gjithë procesin për gjashtë deri në nëntë muaj, transmeton rtv21.tv.
“Vetëm për të blerë gjashtë deri në nëntë muaj për vendin tim, vetëm për shkak të interesit të vendit tim”, ka thënë ai.
Vuçiq ka thënë se është joreale të pritet që brenda pak javësh të arrihet marrëveshja me Kosovën për normalizim të marrëdhënieve./21Media