VV akuzon Thaçin për rrënim të KQZ-së
Vetëvedosje kërkon dy anëtarë në KQZ
Mos emërimi i anëtarëve të KQZ-së nga ana e presidentit Thaçi, ka bërë që Lëvizja Vetëvendosje të kërkojë nga ai respektimin e Kushtetutës së Kosovës dhe sipas tyre mos rrënimin e KQZ-së duke emëruar në mënyrë të paligjshme anëtarë të partive tjera.
Në një konferencë për media, deputeti Xhelal Sveçla u shpreh mjaft kritik ndaj presidentit, duke thënë se ka më shumë se një vit e gjysmë që KQZ është mbajt peng nga Hashim Thaçi në mënyra të ndryshme.
“Kur përfunduan gjitha skenarët, po planifikon me rrënuara KQZ-në, duke shkelur Kushtetutën dhe emëruar në mënyrë të paligjshme anëtar të partive të tjerave”, tha ai.
Ndërsa, deputetja tjetër nga radhët e VV-së, Albulena Haxhiu, tha se përbërja e KQZ-së duhet të shihet nga integriteti i zgjedhjeve përmes garës elektorale.
Ajo njoftoi se VV sot ka dërguar kërkesë për emërim të dy anëtarëve nga kjo parti për KQZ-së.
Sipas saj, Adnan Rrustemi dhe Nazlie Bala dy të propozuarit e VV-së duhet të aprovohen sa më shpejtë nga presidenti, Hashim Thaçi.