VV një vit pas sulmit në Zveçan: Sot atje pamja është ndryshe

Lëvizja Vetëvendosje, ka reaguar për protesta e dhunshme të qytetarëve serbë  të një viti më parë në Zveçan

Sipas VV-së  “sot u bë një vit kur grupe kriminale të organizuara dhe dirixhuara nga Serbia me qëllim moslejimin e ushtrimit të detyrës zyrtare të katër kryetarëve në veri sulmuan Policinë e Kosovës, ushtarët e KFOR-it dhe gazetarët e pranishëm”.

Partia në pushtet shton se më 29 maj 2023 u plagosën mbi 30 pjesëtarë të KFOR’it.

“Në Zveçan para objektit të komunës me 29 maj janë plagosur mbi 90 ushtarë të KFOR-it prej tyre dhjetëra me pasoja të përhershme.”

VV ka publikuar një fotografi të 29 majit 2023 dhe 23 majit 2024 (sot) duke shtuar se sot pamja është krejt ndryshe.

“Insistimi i institucioneve të Republikës së Kosovës ka bërë që atje sot pamja të jetë krejt ndryshe sepse nuk ka tjetër alternativë pos zbatimit të kushtetutshmërisë, ligjshmërisë dhe kësisoj ruajtjes së sovranitetit e integritetit territorial të Republikës së Kosovës.

VV thotë se një vit pas, “Komuna e Zveçanit funksionon, me kryetar, me stemën e flamurin e Republikës së Kosovës”.