Xheladini thotë se “kushdo që përgatit skenare kundër LDK-së do ta paguaj personalisht dhe familjarisht”

Kryetari i Komunës së Dragashit, Bexhet Xheladini, ka paralajmëruar se ata që, sipas tij, e shfrytëzojnë LDK-në për përfitime personale, e tradhtojnë dhe përgatisin skenarë kundër saj, herët a vonë do të paguajnë qoftë personalisht apo familjarisht.

Përmes një postimi në Facebook, ai theksoi se kjo, sipas tij, është një rregull i pashkruar dhe i sigurt.

“Ata që e shfrytëzojnë LDK-në për përfitime personale, që ndreqin kurthe, që e tradhtojnë dhe që përgatisin skenarë kundër saj, nga fuqia e të madhit Zot,herët a vonë, do ta paguajnë, personalisht, kolektivisht apo edhe familjarisht. Ky është një rregull i pashkruar, po aq i sigurt sa fakti që një plus një bëjnë dy”, ka shkruar Xheladini.