Yildirim: Gjermania të vendosë ndërmjet Turqisë dhe puçistëve

Berlini premtoi azil politik për disa zyrtarë ushtarakë

Kryeministri i Turqisë, Binali Yildirim, deklaroi se Gjermania duhet të zgjedhë ndërmjet miqësisë me Ankaranë dhe organizatorëve të puçit, pasi Berlini premtoi azil politik për disa zyrtarë ushtarakë të dyshuar për grusht-shtetin e dështuar të vitit të kaluar, transmeton AFP.

“Gjermania duhet të vendosë një – nëse dëshiron të vazhdojë që të përparojë marrëdhëniet me Turqinë, duhet t’i kthehet Republikës së Turqisë dhe jo përkrahësve të Fetullah Gulen”, ka porositur Yildirim.