Zelensky: Lufta duhet të përfundojë tani

Presidenti ukrainas Volodymyr Zelensky u tha liderëve botërorë në samitin e G20 Bali se lufta e Rusisë duhet të përfundojë tani.
Ai u lut gjithashtu për një zgjatje të një marrëveshjeje të rëndësishme të eksportit të grurit që do të skadojë së shpejti.
Zelensky u shfaq në një fjalim video drejtuar udhëheqësve të mbledhur në ishullin indonezian.
Vladimir Putin, refuzoi të marrë pjesë në samit kështu që dërgoi ministrin e tij të jashtëm, Sergei Lavrov në vend.
“Jam i bindur se tani është koha kur lufta shkatërruese ruse duhet dhe mund të ndalet”, tha Zelensky.
Ai përshkroi një sërë strategjish, duke përfshirë sigurimin e sigurisë bërthamore dhe ushqimore, përfundimin e armiqësive dhe parandalimin e përshkallëzimit.
Ai vazhdimisht iu drejtua liderëve si “G19” – duke përjashtuar qartë Rusinë, transmeton rtv21.tv.
OKB thotë se që nga fillimi i marrëveshjes, 10 milionë ton drithë dhe ushqime të tjera janë eksportuar me sukses, duke ndihmuar në shmangien e një krize globale ushqimore.
Por marrëveshja skadon më 19 nëntor. Duke folur të martën në një sesion të G20 për sigurinë ushqimore, Zelensky tha se marrëveshja duhet të zgjatet për një kohë të pacaktuar, “pa marrë parasysh se kur përfundon lufta”./21Media