Zgjerohen shitjet me pakicë në SHBA
Tregtia me pakicë në Shtetet e Bashkuara të Amerikës u rrit zero pikë gjashtë për qind nga muaji në muaj në qershor, duke përmbysur një rënie prej zero pikë nëntë për qind në maj, sipas të dhënave të Byrosë së Regjistrimit të SHBA-së të publikuara të enjten.
Vëllimi total i tregtisë arriti në shtatëqindenjëzet miliardë dollarë në qershor, ndërsa tregu priste që shifra të rritej pak me zero pikë një për qind në muaj gjatë muajit, raporton KosovaPress.
Rritjet më të mëdha u panë për mallra dhe shërbime të ndryshme me një pikë tetë për qind, automjete dhe pjesë këmbimi me një pikë dy për qind.
Shitjet e materialeve të ndërtimit dhe pajisjeve të kopshtit, si dhe veshjet panë rritje prej zero pikë nëntë për qind në qershor.
Rritje të tjera u vunë re në shërbimet ushqimore dhe vendet e pirjes zero pikë gjashtë për qind, dyqanet e ushqimit dhe pijeve zero pikë pesë për qind, kujdesin shëndetësor dhe personal zero pikë pesë për qind dhe dyqanet e mallrave të përgjithshme zero pikë pesë për qind shitësit me pakicë jashtë dyqaneve zero pikë katër për qind, dhe dyqanet e mallrave sportive, hobi, instrumenteve muzikorë dhe librarive zero pikë dy për qind.
Nga ana tjetër, shitjet mbetën të pandryshuara në stacionet e benzinës dhe ranë me zero pikë një për qind si në dyqanet e mobilieve ashtu edhe në ato të elektronikës.
Ndërkohë, shitjet që përdoren për të llogaritur produktit të brendshëm bruto, të cilat nuk përfshijnë shërbimet ushqimore, shitësit e makinave, dyqanet e materialeve të ndërtimit ose stacionet e benzinës – u rritën me zero pikë pesë për qind pas një rritjeje të rishikuar prej zero pikë dy për qind dhe gjithashtu më të larta se parashikimi prej zero pikë tre për qind.
Në bazë vjetore, shitjet me pakicë u rritën me tre pikë nëntë për qind në qershor.
Dëshiron ta dëgjosh këtë lajm me zë?