Zyrtari ukrainas: Do të varrosim ushtrinë e Putinit

Një këshilltar i presidentit të Ukrainës tha se ushtria e vendit nuk po ia del rastësisht apo falë fatit.
Në një postim të gjatë në Facebook, Aleksey Arestovich tha: “Suksesi ynë është një model, me marrëdhënie të ndërtuara dhe të zbatuara në mënyrë të qartë shkak-pasojë”.
Ai u zotua se rezistenca nga forcat e armatosura si dhe nga publiku i gjerë do të përmbyste makinën ruse të luftës.
“Ushtria ruse nuk është e fortë. Është thjesht e madhe”, tha ai.
Arestovich vuri në dukje se zyrtarët e huaj të mbrojtjes janë të tronditur nga sa mirë ushtria dhe udhëheqja e Ukrainës po përballet me luftën.
Ai gjithashtu u mburr se sukseset e tyre kishin ardhur megjithë kohën e kufizuar për të planifikuar përmasat e pushtimit.
“Tetë të dhjetat e ushtrisë së Putinit janë këtu. Këtu do t’i varrosim”, premtoi ai./21Media