“Devollët” ia falin 32 milionë euro PTK-së, e shpëtojnë nga falimentimi

Mustafa: PTK do t’i paguaj vetëm shpenzimet gjyqësore të Arbitrazhit

Z-Mobile dhe PTK nënshkruan marrëveshje përmes të cilës  Z-Mobile heq dorë nga ekzekutimi i shumës prej 32 milionë euro gjobë që duhej t’ ia paguante PTK-ja Z-Mobile me vendim të Gjykatës së Arbitrazhit për mos respektim të kontratës.

Sipas marrëveshjes së arritur sot, Telekomi i Kosovës do t’i paguajë vetëm shpenzimet gjyqësore të Arbitrazhit. Shpenzimet do të saktësohen në ditën në vazhdim nga  gjykata.  Po ashtu me këtë marrëveshje Vala do t’ia jep në shfrytëzim Z-Mobile shërbimet e 3G dhe 4G dhe 100 mijë numra./21Media