Horoskopi javor

 Dashi(21/3 – 20/4)

Jeni në formë të mirë fizike dhe shpirtërore. Kjo do të bëjë që ju të shkëlqeni dhe kjo gjë të vihet re jo vetëm nga ata që ju rrethojnë.

 Demi(21/4 – 20/5)

Keni shumë dilema në kokë, të cilat po ju pengojnë të bëni gjumin e qetë. Pritet që në rrugë e sipër të bëni edhe një ndonjë gabim. Nëse nuk keni një alternativë të saktë për dilemat tuaja, atëherë kërkoni një këshillë.

Binjakët(21/5 – 21/6 )

Jeni i apasionuar pas garave pavarësisht nëse dilni apo jo fitimtar. Kjo në thelb nuk është gjë e keqe, por duhet të tregoni kujdes, sepse ndonjëherë mund të lëndoheni.

Gaforrja (22/6 – 22/7 )

Do të kaloni një javë jo fort të favorshme në aspektin financiar. Nëse merreni me biznes, disa vendime që do të merrni mund të rezultojnë shumë të rrezikshme. Për këtë arsye, shmangni veprimet me rëndësi të veçantë në këtë sektor.

Luani (27/7 – 23/8)

Do të kaloni një javë të ngarkuar me punë. Mund të keni shumë detyra të cilat janë të rëndësishme, por që i tejkalojnë aftësitë tuaja. Mësoni të thoni jo dhe të jepni arsyet e duhura për këtë.

 Virgjëresha(24/8 – 22/9)

Jeni në kërkim të dashurisë së vërtetë, por gjërat nuk po ju ecin sipas planit. Mos e humbisni durimin, sepse yjet do t’ju favorizojnë në këtë fushë gjatë ditëve në vijim.

Peshorja(23/9 – 22/10)

Ndiheni i zhgënjyer nga disa thashetheme që mund të keni dëgjuar këto ditë. Edhe pse mund të ishit në dijeni të përmbajtjes, ajo që ju shqetëson është se nuk e prisnit që këto thashetheme të dilnin nga një miku juaj i ngushtë.

Akrepi(23/10 – 22/11)

Mund të kaloni më shumë kohë me familjen tuaj. Do të kuptoni se këtë gjë duhet ta bëni më shpesh, sepse do të zhvilloni disa biseda konstruktive dhe tepër cilësore, veçanërisht me partnerin.

 Shigjetari(23/11 – 21/12)

Një koleg i punës mund t’ju kërkojë që ta ndihmoni pasi po kalon një problem. Ndihmojeni me aq sa keni mundësi, sepse të gjithë mund të kalojmë situata të ndërlikuara.

Bricjapi(22/12 – 20/1)

Jini më shumë mirënjohës ndaj një personi, i cili ju ka ndihmuar pak kohë më parë. Kohët e fundi nuk i keni kushtuar vëmendjen e nevojshme duke humbur respektin që ai ka për ju.

Ujori(21/1 – 20/2)

Jeni shumë pesimist kohët e fundit. Ju duket sikur gjërat nuk po ecin sipas planit, por jo gjithmonë gjërat shkojnë sipas planit. Duhet të jeni i gatshëm të prisni çdo rezultat.

 Peshqit (21/2 – 20/3 )

Përgatituni për një javë të ngarkuar me punë. Eprorët do të kërkojnë shumë nga ju dhe ju sigurisht që nuk do të doni t’i zhgënjeni. Megjithatë mendja juaj do të jetë e përqendruar te familja.

Komentoni artikullin