Rajoni i Donbasit në Ukrainë nuk ka “humbur ende”, tha gjenerali i lartë amerikan

Rajoni i Donbasit të Ukrainës nuk është “humbur ende”, tha gjenerali Mark Milley, gjatë një konference për shtyp në Pentagon pas një takimi virtual të Grupit të Kontaktit të Ukrainës.

“Përfundimi është se kostoja është shumë e lartë, fitimet janë shumë të ulëta, ka një luftë rrënuese që po ndodh në rajonin e Luhansk, Donbas”, tha Milley. “Për t’iu përgjigjur pyetjes suaj rreth ‘a është Donbasi i humbur?’ Jo, nuk ka humbur ende. Ukrainasit po i detyrojnë rusët të paguajnë për çdo centimetër territor që ata fitojnë”, tha ai të mërkurën.

Ndryshimi i territorit midis forcave ukrainase dhe forcave ruse në rajonin e Donbasit “matet fjalë për fjalë në qindra metra. Disa ditë ju mund të merrni një ose dy kilometra nga rusët, por jo shumë më tepër se kaq”, shtoi Milley.

Pas fushatës 90-ditore që Rusia ka bërë për t’u fokusuar në pushtimin e rajonit të Donbasit, forcat ruse kanë fituar “shumë, shumë pak” terren, u tha ai gazetarëve. Megjithatë, ai vuri në dukje se lufta është shumë intensive.

“Është shumë intensive, shumë dhunë – dhjetëra mijëra raunde artilerie çdo 24 orë, shumë viktima nga të dyja anët, shumë shkatërrime fshatrash, e kështu me radhë”, shtoi ai./21Media