Lista Serbe: Kandidatëve nuk u janë regjistruar votat e sakta

Lista Serbe: Kandidatëve nuk u janë regjistruar votat e sakta

Lista Serbe ka dorëzuar në Panelin Zgjedhor për Ankesa dhe Parashtresa (PZAP), ankesën për zgjedhjet e parakohshme parlamentare, pasi sipas tyre gabimisht është konfirmuar fakti i gjendjes dhe se janë bërë lëshime të mëdha në bartjen e rezultateve të sakta për kandidatët e kësaj partie në disa komuna.

Në një komunikatë të Listës Serbe thuhet se probleme të tilla ka pasur në vendvotimet në komunat Viti, Mitrovicë Veriore, Obiliq,  Zveçan, Zubin Potok dhe Graçanicë.

“ Kandidatit Sllavko Simiq në listë me numrin rendor 1 në gjashtë komuna KQZ gjithsej e ka lënë pa regjistruar 554 vota të rregullta të cilat ai i ka fituar. Po ashtu, edhe kandidatëve tjerë Milan Nikoliq, Igor Simiq dhe Branimir Stojanoviq”, thuhet në komunikatë.

Lista Serbe paralajmëron se nëse PZAP, pavarësisht fakteve të dukshme dhe simptomatike të mos “regjistrimit të qëllimshëm të rezultateve” të cilat kjo parti ia ka paraqitur, sjell vendim negativ, atëherë Lista Serbe do të shqyrtojë vendimin për pjesëmarrje dhe njohjen e procesit zgjedhor të 11 qershorit./21Media