Nesër do të shkarkohet Rikallo
Deputeti i PSD-së tregon se janë përmbushur kushtet për votimin e buxhetit
Nesër do të shkarkohet ministri i Bujqësisë, Pylltarisë dhe Zhvillimit Rural, Nenad Rikallo. Këtë e ka bërë të ditur deputeti i PSD-së Frashër Krasniqi.
Ai përmes një postimi në llogarinë e tij “Facebook”, tha se nesër gjithashtu do të votohet ligji për pagat, ligji për dialog dhe do të bëhet komisioni ad-hoc për sistemin pensional.
“Nesër dëshmohet edhe njëherë që në Kosovë mund të bëhet politikë e vërtetë, konkrete, pa përfitim personal, për të mirën e qytetarëve të Kosovës”, ka shkruar tutje Krasniqi.
Edhe ministri i Infrastrukturës, Pal Lekaj në një emision televiziv e ka paralajmëruar për nesër shkarkimin e ministrit të Bujqësisë.
Zëvendësministri, Fatmir Limaj gjithashtu në emision televiziv ka thënë se nesër do të shkarkohet ministri i Bujqësisë, Nenad Rikallo i cili vije nga Lista Serbe.
Shkarkimi i Rikallos ishte një ndër kushtet e PSD-së për votimin e buxhetit 2019./21Media