Për edukatën seksuale duhet mësuar në shkolla, por kush duhet me dhanë këtë lëndë?
“Edukimi, ky mision i pamundur”
Sociologu dhe profesori universitar, Ardian Gola ka reaguar rreth rastit të fundit në komunën e Drenasit ku një 16 vjeçare u abuzua seksualisht, fillimisht nga mësimdhënësi , pastaj edhe polici.
Sipas Golas për edukatën seksuale duhet të mësohet edhe në shkolla.
“E pra, duket sheshazi qe paskemi nevoje edhe per edukate seksuale ne shkolla. Kemi nevoje, sepse sa here qe permendet seksi, mendet vec tek organet gjenitale na shkojne. Krejt problemin e reduktojme qaty, duke i harruar implikimet e pafundme qe seksi i bart ne shoqeri. Femijet duhet te mesojne per flirtin, ngacmimin, kushtezimin, abuzimin, trafikimin, prostitucionin, implikimet e lidhjeve te hershme seksuale, si shtatzania e padeshiruar, transmetimi i semundjeve, shendetin riprodhues, se seksi shumehere nuk eshte vetem seks, por eshte shumesi nderlikimesh emocionale, duhet te mesojne per trupin e tyre, per integritetin fizik dhe psikologjik, per veshjen, per menyren se si jeta sociale eshte thurje e komplikuar ndergjinore etj. Ceshtja behet urgjente kur e kemi parasysh qe jetojme ne epoke digjitale.
Por, kur e kujtoj qe e kemi bere fet me lendet tjera, me bie entuziazmi dhe pyes: kush mundet me e dhane kete lende?! Edukimi, ky mision i pamundur.”, ka shkruar ai në rrjetin social, Facebook.
Dje në media u raportua se e mitura nga Drenasi ishte keqpërdorur seksualisht profesori SH. XH dhe nga hetuesi policor V. V, ky i fundit e kishte lënë shtatzënë të miturën e pastaj e kishte detyruar që të abortojë. Polici në fjalë është arrestuar, kurse mësimdhënësi është pezulluar nga puna./21Media