SBASHK-u vazhdon grevën, edhe pas ofertës së Qeverisë

“Dihet, grevë do të ketë”

Kryeministri i Kosovës, Ramush Haradinaj ka takuar përfaqësuesit e Sindikatës së Bashkuar të Arsimit në Kosovë duke ofruar ngritje pagash për ta.

Ai ka komunikuar lajmin pas takimit dhe ka bërë thirrje që nesër të fillojë mësimi, por kjo nuk do të ndodhë.

Rrahman Jashari nga SBASHK-u, ka thënë për KP se ata shpejt do të dalin me një komunikatë, por çka dihet është se greva do të vazhdojë.

“Oferta e Qeverisë është minimale. Disa sektorë nuk janë përfshirë fare, e disa të tjerë i bie që kanë rritje vetëm 10%. Dihet kërkesa jonë, ka thënë ai, duke shtuar se tashmë po komunikojnë me shtabin e tyre dhe përfaqësuesit e gjithë sektorit të arsimit.

“Dihet, grevë do të ketë”, tha ai.