Aksidente trafiku me lëndime

Aksidente trafiku me lëndime

Tre këmbësor janë lënduar gjatë dy aksidenteve të djeshme në Prizren.

Njëri aksident ka ndodhur në rrugën “Zahir Pajaziti” dje rreth orës 09:30, ku i dyshuari mashkull K-Shqiptar përderisa ishte duke drejtuar veturën, nga pakujdesia ka goditur këmbësorin një këmbësor, mashkull K-Shqiptar.

“Viktima ka pësuar lëndime trupore dhe i njëjti është dërguar për tretman mjekësor në Spitalin e Prizrenit.”, ka njoftuar sot policia.

Ndërsa, aksidenti tjetër ka ndodhur në rrugën “Ekrem Rexha” në orën 16:50 të ditës së djeshme, me ç’rast është arrestuar i dyshuari mashkull K-Shqiptar, pasiqë i njëjti me veturë nga pa kujdesia ka goditur dy këmbësorë meshkuj K-Shqiptarë.

“Të lënduarit janë dërguar në Spitalin e Prizrenit, ku njëri ka pësuar lëndime të rënda dhe është ndaluar për tretman, ndërsa tjetri pas tretmani është liruar.”, ka njoftuar sot policia.

Sipas policisë, me vendim të prokurorit, i dyshuari është dërguar në mbajtje./21Media