Privatizohen 14 aeroporte

Në një deklaratë të publikuar nga TAIPED theksohet se është përfunduar procesi për privatizimin e aeroporteve në fjalë

Në Greqi 14 aeroporte i dorëzohen për 40 vite me një kosto prej 1.23 miliardë euro konsorciumit, ku partneri kryesor është kompania gjermane Fraport AGFraport AG.

Në një deklaratë të publikuar nga Fondi i Zhvillimit të Asetve të Greqisë (TAIPED), theksohet se është përfunduar procesi për privatizimin e aeroporteve në fjalë.

Ndër të tjera theksohet se aeroportet me një ceremoni nënshkrimi i janë dorëzuar konsorciumit të formuar nga kompanitë Fraport AG dhe SLENTEL Ltd.

Kylie Jenner merr pjesë në mbrëmje të maturës

Pas pjesëmarrjes së saj në këtë event ka pasur shumë komente dhe shpërndarje të fotove në rrjetet sociale

Kylie Jenner gjatë kësaj jave ka vendosur të marrë pjesë në mbrëmje të maturës, duke e rikujtuar moshën e saj.

Super ylli i shout televiziv “Keeping Up with the Kardashians”, edhe pse është 19 vjeçare, ajo shpesh herë vije me dukje që nuk janë aq të përshtatshme për moshën e saj, duke ngjallur mjaft reagime.

Por, së fundmi pjesëmarrja e saj në mbrëmje të maturës, është komentuar si gjëja më me vend që mund të bënte ajo  në këtë kohë.

Pas pjesëmarrjes së saj në këtë event ka pasur shumë komente dhe shpërndarje të fotove në rrjetet sociale.

Kylie Jenner është shumë e njohur edhe për ndryshimin e shpeshtë të modelit të flokëve që është inspirim, veçanërisht për moshataret e saj.

Së fundmi ajo i ka prerë flokët e saj  shkurtë dhe i ka ngjyrosur të zeza.

 

Përse duhet t’i pastrojmë telefonat e mençur?

Pastrimi i telefonave preferohet të bëhet çdo ditë, me një leckë me mikrofibër , duke e lagur atë me ujë të pastër dhe alkool

Telefonat e mençur janë pjesë me të cilët tashmë e kalojmë pjesën më të madhe të kohës . Por ata janë edhe grumbullues mjaft i shpejt i papastërtive dhe baktereve të cilat i mbledhin tërë kohën.

Nëse nuk bëjmë pastrimin e rregullt dhe ne mënyrë të duhur të tyre lehtësisht mund të infektohemi në mënyra nga më të ndryshmet.

Pastrimi i telefonave preferohet të bëhet çdo ditë, me një leckë me mikrofibër , duke e lagur atë me ujë të pastër dhe alkool. Asnjëherë nuk preferohet që ta spërkatni direkt ekranin e celularit , por që fillimisht ta lagni leckën.

Nëse nuk mund t’i gjeni këto produkte menjëherë atëherë përdorni lecka të lagura antibakteriale, por assesi mos e anashkaloni  pastrimin e telefonit tuaj , pasi që tërë kohën i ekspozohet baktereve të shumta.

Sofia Vergara e mrekullueshme në fustan të zi

44 vjeçarja, përveç  paraqitjes së saj të jashtme është e njohur edhe për suksesin e saj si grua e biznesit

Aktorja dhe modelja e njohur kolumbiane Sofia Vergara, e cila është shumë e njohur edhe për paraqitjet e saj, së fundmi është paraqitur me një dukje që u ka pëlqyer shumë fansave të saj.

Sofia Vergara kishte veshur një fustan të zi, me flokë të lëshuara dhe me grim shumë natyral dhe të thjeshtë. Ajo ishte parë duke vallëzuar së bashku me producentin Andrea lervolino dhe është dukur e mrekullueshme.

44 vjeçarja, përveç  paraqitjes së saj të jashtme është e njohur edhe për suksesin e saj si grua e biznesit me të cilin gjithashtu ka treguar shumë sukses.

Horoskopi ditor 12 prill

Edhe pse jeni një shpirt i lirë sot dëshironi t’ju robërojë partneri/ja

Keni probleme në marrëdhënien tuaj në çift dhe kjo gjë po ju shqetëson. Edhe pse jeni një shpirt i lirë sot dëshironi t’ju robërojë partneri/ja. Beqarët duhet të zbresin me këmbë në tokë dhe të tregohen më seriozë në takime, nëse duan vërtet të ndryshojnë statusin.  Financat do përballen me vështirësi serioze.

Dashi

Sot jeni shumë të ndikueshëm nga ana emocionale ju të dashuruarit. Mbase ka të bëjë me lëvizjen e planetëve në shenjen tuaj. Beqarët do tregohen mjaft joshës në takimet që do realizojnë dhe do bëjnë për vete shumë persona. Në planin financiar situata do vijë duke u përmirësuar ndjeshëm, mos përhapni panik.

Demi

Keni ndërsjellje të mendimit dhe ndjenjave sot ju që jeni në një marrëdhënie në çift. Nuk dini se çfarë të bëni në këtë udhëkryq te çuditshëm. Beqarët duhet të reflektojnë disa herë para se të hedhin hapa në mënyrë që të shmangin lëndimet. Financat do jenë me fat, do arrijnë të ekuilibrojnë buxhetin falë menaxhimit të tyre.

Binjakët

Çdo impenjim të ditës do e zhvilloni në qetësi të plotë. Sot gjithçka do të rrjedhë qetë dhe pa ndonjë emocion të çuditshëm për ju të dashuruarit. Beqarët duhet të zbresin me këmbë në tokë dhe të tregohen më seriozë në takime, nëse duan vërtet të ndryshojnë statusin. Në planin financiar kujdes me shpenzimet.

Gaforrja

Sot nuk do të kënaqeni me atë çka ju ofron partneri/ja. Do të kërkoni më shumë dhe kjo do të ndezë një debat të fjetur. Beqarët do kenë një ditë rutinë, ku nuk do spikasë asnjë takim i veçantë që mund t’i bëjë të ëndërrojnë. Financat do jenë të mira, mundësi për të kryer edhe shpenzime.

Luani

Krenaria juaj e sëmurë do të ketë pasoja në marrëdhënien tuaj në çift. Problemet do të thellohen çdo ditë e më shumë. Beqarët do tërhiqen pa masë nga disa persona që do njohin, dhe do vendosin për të ardhmen e tyre pa u menduar mirë. Kjo mund t’i sjellë edhe zhgënjime. Financat do jenë të mira.

Virgjëresha

Sot keni në mendje një projekt të rëndësishëm që doni ta bëni realitet sa më shpejt ju që jeni në një lidhje dashurie. Do kërkoni ndihmën e partnerit/es. Beqarët nëse duan që ndryshimet në jetën e tyre të jenë pozitive, bëjnë mirë t’i marrin gjërat shtruar dhe të mos nxitohen. Financat do përballen me vështirësi serioze.

Peshorja

Dita do të përshkohet nga kreativiteti dhe do të merreni me ato aktivitete aq të këndshme kulturore që i kishit lënë pas dore. Rol të rëndësishëm do luajë edhe ndihma e partnerit/es. Beqarët nuk do jenë shumë të fokusuar te dashuria, do i marrin gjërat si t’ju vijnë. Financat nuk do jenë të këqija, gjithsesi tregohuni të matur me shpenzimet.

Akrepi

Planet e diskutuara kohët e fundit me partnerin/en kanë qenë vërtet të goditura. Asnjë gjë që keni planifikuar nuk do të shkojë dëm. Beqarët do ndihen plotësisht të lirë të bëjnë atë që do ju thotë zemra. Priten edhe surpriza. Financat do jenë me fat, do vijnë duke u përmirësuar ndjeshëm.

Shigjetari

Kjo ditë nuk ngjan fare me ditët e rrëmujshme që keni përgjithësisht gjatë javës. Do shijoni çdo moment të saj sepse ju mungonte qetësia. Beqarët do realizojnë takime interesante dhe do kenë mundësi të mira për të nisur lidhje dashurie. Financat do varen nga mënyra juaj e menaxhimit.

Bricjapi

Dita sot do të jetë mjaft produktive dhe do të mbyllet nga një mbrëmje e këndshme në shoqëri të mirë të partnerit/es. Beqarët nuk duhet të bëjnë sakrifica të mëdha vetëm për të ndryshuar statusin, sepse mund të zhgënjehen. Financat do jenë me fat, do keni mundësi për të kryer edhe investimet që keni menduar.

Ujori

Keni probleme në marrëdhënien tuaj në çift dhe kjo gjë po ju shqetëson. Edhe pse jeni një shpirt i lirë sot dëshironi t’ju robërojë partneri/ja. Beqarët duhet të tregohen më realistë dhe nëse nuk duan të qëndrojnë më vetëm duhet të dalin vetëm me personat që pëlqejnë vërtet. Financat do arrini t’i mbani nën kontroll.

Peshqit

Energjia pozitive dhe shoqëria e partnerit/es bëjnë që kjo ditë të ecë shumë mirë dhe ju vetë të jeni gjithë kohën me buzëqeshje. Beqarët do tregohen mjaft joshës dhe sharmantë sot dhe do arrijnë të bëjnë për vete personin që pëlqejnë. Financat do jenë të mira, nuk ka vend për tu shqetësuar.

Fillon linja hekurudhore e mallrave mes Britanisë dhe Kinës

Ka filluar qarkullimi i parë hekurudhor, më e gjata në botë, e cila do të transportojë mallra mes Britanisë së Madhe dhe Kinës

Treni i parë i mallrave i përbërë nga 30 vagonë është nisur nga qyteti Essex i Britanisë së Madhe dhe do të udhëtojë 12 mijë kilometra në 17 ditë, për të arritur në qytetin kinez Zhejiang.

Treni i cili do të transportojë mallra eksporti të Britanisë, do të kalojë përmes Francës, Belgjikës, Gjermanisë, Polonisë, Bjellorusisë, Rusisë dhe Kazakistanit. Ai pritet të jetë në Zhejiang më 27 prill.

Në trenin e parë të mallrave të nisur nga Britania e Madhe ka më së shumti mallra të prodhuar në këtë vend si, uiski, birra, pije të gazuara, produkte ndihmëse ushqimore dhe produkte për bebe.

Drejtuesi i kompanisë së transportit, DP World, Sultan Ahmed Bin Sulayem, thotë se transporti me tren është më i shpejtë se ai detar dhe më i lirë se ai ajror.

Shpërthimet në Dortmund, nesër zhvillohet takimi

Policia gjermane ka vazhduar t’i mbajë në stadium shikuesit që kishin shkuar ta përcillnin lojën, për shkak të sigurisë

Pas shpërthimeve që kanë tronditur Dortmundin, nesër do të zhvillohet ndeshja mes Borussia Dortmund dhe Monacos, në ora 18:45.

Një tifoz i Borussia Dortmundit, shqiptar që jeton në Gjermani, ka bërë të ditur për KosovaPress, se policia gjermane ka vazhduar t’i mbajë në stadium shikuesit që kishin shkuar ta përcillnin lojën, për shkak të sigurisë.

Një thirrje e tillë ishte bërë edhe nga klubi gjermane për tifozët në stadium, që të rrinë të qetë dhe të presin vendimin e tyre për t’u larguar nga stadiumi.

Ndryshe, ndeshja mes Borussia Dortmundit dhe Monacos është anuluar pasi rrugës për stadium afër autobusit të skuadrës kanë ndodhur tri shpërthime.

Nga këto shpërthime është lënduar Marc Bartra, i cili është dërguar në spital, kurse lojtarët tjerë kanë marrë lëndime të vogla dhe sipërfaqësore nga xhamat e thyer.

McCain: Nuk do të ketë përsëri luftë në ish-Jugosllavi

Senatori amerikan, John McCain sot ka qëndruar për një vizitë zyrtare në Sarajevë.

Ai në një konferencë për media ka thënë se në ish-Jugosllavi nuk do të ketë përsëri luftë, por që kërkon vëmendje më të madhe nga shtetet pasi ka zona që ka tensione, transmeton lajmi.net.

“Unë nuk besoj se do të ketë luftë këtu, por mendoj se kërkohet një përqendrim më i madh i të gjitha vendeve të rajonit dhe jo vetë, duke përfshirë edhe Shtetet e Bashkuara të Amerikës që duhet ta përcjellin këtë situatë”, ka thënë McCain.

Enrique Iglesias vazhdon të mbetet në vendin e parë

“Subeme La Radio”deri tani ka marrë shumë reagime pozitive dhe mbi 160 milion klikime

Këngëtari latin Enriqye Iglesias, i cili së fundmi ka lansuar këngën më të re të quajtur “Subeme La Radio” ka pasur të njëjtën mikpritje tek publiku sikur hitet tjera të mëparshme.

Edhe pse kjo këngë është lansuar para një muaji, deri tani ka marrë shumë reagime pozitive dhe mbi 160 milion klikime në kanalin muzikor Youtube.

“Subeme La Radio”, që është bashkëpunim me Descember Bueno dhe Zion & Lennox, që ka qëndruar për një kohë mjaft të gjatë në Billboardin Latin.

Enrique  Iglesias është ndër emrat më të njohur të muzikës latine, me shumë hite të njohura në mbarë botën si “Duele El Corazon”, “Bailando”, “ El Perdon”, e shumë të tjera.

Delawie i zhgënjyer me deputetët e Kosovës

Ambasadori amerikan në Kosovë, Greg Delawie ka reaguar ndaj deputetëve të cilët sot nuk arritën që ta miratojnë Projektligjin për Ekzekutimin e Sanksioneve Penale.

Ai ka thënë se ndihet i zhgënjyer me politikanët në Kosovë që nuk e kanë miratuar këtë projektligj.

Projektligji në fjalë ka dështuar të kalojë në Kuvendin e Kosovës për shkak të mungesës së kuorumit.

“I zhgënjyer me udhëheqësit e Kosovës që nuk grumbulluan votat që të mbyllin boshllëqet të cilat lejojnë që politikanët që shfrytëzojnë lidhjet e tyre për t’i shpëtuar burgut”, ka shkruar Delawie në Twitter.