​Dështon mbledhja e Kryesisë, Kuvend të hënën me seancë plenare

Në mungesë të kuorumit ka dështuar mbledhja e kryesisë së Kuvendit të Kosovës. Megjithatë është vendosur që të hënën e ardhshme të mbahet seanca plenare me pikat e papërfunduara nga e kaluara.
Shefi i Grupit Parlamentar të PDK-së, Abelard Tahiri, ka thënë se projektligji për Trustin nuk do të shqyrtohet këtë javë në seancë, por ka theksuar nevojën e miratimit të tij, pavarësisht kundërshtimit nga FMN-ja.
“Po të dëgjonim FMN-në nuk do të rriteshin pagat dhe as bëheshin autostradat”, ka thënë ai.
Tahiri është shprehur kritik ndaj kryeministrit Albin Kurti edhe për mungesën e raportimit në Kuvend për dialogun.
Këtyre kritikave iu është përgjigjur deputeti i LVV-së, Adnan Rrustemi.
“Kryeministri Kurti është shumë transparentë, mirëpo kërkesën për debat në emër të opozitës nuk mund ta bëjmë”, ka thënë Rrustemi.