Pjesëtarët e EULEX-it i shpëtojnë jetën një gruaje në Prishtinë

Pjesëtarë të EULEX-it kanë intervenuar gjatë ditës së enjte për t’i dhënë ndihmë një gruaje e cila kishte pësuar probleme shëndetësore.

Sipas EULEX-it, policët polakë që shërbejnë në kuadër të këtij misioni kanë përdorur njohuritë e tyre bazike për ndihmën e parë, duke i ofruar asistencë gruas dhe duke e mbajtur nën kujdes deri në arritjen e ekipit të ambulancës.

“Policët polakë të EULEX-it përdorën njohuritë e tyre bazike për ndihmën e parë për ta ndihmuar gruan dhe për ta siguruar atë derisa mbërriti ambulanca”, ka bërë të ditur EULEX.

Pas ardhjes së ekipit mjekësor, gruaja është marrë për trajtim të mëtejshëm.