​Johnson: Izraeli dhe palestinezët të ndalojnë dhunën

 

Britania e Madhe është e shqetësuar për përshkallëzimin e dhunës dhe viktimat civile në konfliktet midis Izraelit dhe palestinezëve, dhe kryeministri Boris Johnson u bëri thirrje të dy palëve sot të ulin tensionet dhe të tregojnë përmbajtje nga konfliktet e mëtejshme.

“Britania e Madhe është thellësisht e shqetësuar për dhunën në rritje dhe viktimat civile, dhe ne duam të shohim një ulje të menjëhershme të tensioneve,” shkroi Johnson në Twitter, raporton Reuters.

Armiqësitë midis Izraelit dhe Hamasit u përshkallëzuan sot, me të paktën 35 të vrarë në Gaza dhe pesë në Izrael, në luftimet më intensive deri më tani në vitet e fundit.