​Komisioni për legjislacion miraton në parim Projektligjin për Gjykatën Komerciale

 
Komisioni për legjislacion ka miratuar në parim Projektligjin për Gjykatën Komerciale. Nevoja për themelimin e saj u konsiderua e domosdoshme nga mazhoranca dhe një pjesë e opozitës, ndërsa Lidhja Demokratike e Kosovës shprehu mëdyshje për rolin e kësaj gjykate në sistemin juridik dhe kushtetues të vendit.
Kryetari i Komisionit për legjislacion, Adnan Rrustemi ka thënë se miratimi i këtij projektligji është i rëndësishëm në zhvillimin ekonomik të vendit.
Përkrahje ndaj këtij projektligji ka shprehur edhe Hajdar Beqa nga PDK, por ka thënë se i njëjti është marrë i gatshëm nga ish ministri i Drejtësisë, Abelard Tahiri.
Por mëdyshje për miratimin e tij ka shprehur deputeti i LDK-së, Driton Selmanaj.
“Sot e kam problem ta paketojë në sistemin hierarkik institucional këtë gjykatë. Duhet më shumë informata për sistemin juridik dhe kushtetues për këtë gjykatë”, ka thënë ai.
Derisa e përkrahu miratimi në parim të këtij projektligji, Besnik Tahiri nga AAK ka thënë se partia në pushtet Lëvizja Vetëvendosje me këto veprime po përkrah politika të djathta.